Bapa superman

ଶୁଭେନ୍ଦ୍ର କୁମାର ମହାପାତ୍ର ,

ଭୁବନେଶ୍ବର

ପିଲାମାନଙ୍କୁ ଲାଳନ ପାଳନ କରି ବଡ଼ କରିବା ସହ ସେମାନଙ୍କ ଭବିଷ୍ୟତ ଗଢ଼ିବା ଆଉ ସେମାନଙ୍କୁ ସମାଜରେ ପ୍ରତିଷ୍ଠିତ କରାଇବାରେ ମା’-ବାପାଙ୍କ ଭୂମିକା କେତେଯେ ଥାଏ, ତାହା ସମସ୍ତେ ଜାଣନ୍ତି। କିନ୍ତୁ ବେଳେବେଳେ ଏକୁଟିଆ ଜଣେ ବାପା ହିଁ ଏସବୁ ଦାୟିତ୍ୱ ନେଇ ପିଲାମାନଙ୍କୁ ପ୍ରତିଷ୍ଠିତ କରାନ୍ତି ଆଉ ପିଲାମାନଙ୍କ ପାଖରେ ସୁପରମ୍ୟାନ ପାଲଟି ଯାଆନ୍ତି। ଏମିତି ଏକ କାହାଣୀରେ ଜଣେ ପିଲା ପାଇଁ ତା’ ବାପା କିପରି ସୁପରମ୍ୟାନ ପାଲଟି ଯାଉଛନ୍ତି ତାକୁ ହିଁ ନେଇ ନିର୍ମିତ ହୋଇଛି ନୂଆ ଓଡିଆ ଚଳଚ୍ଚିତ୍ର ‘ ବାପା ସୁପରମ୍ୟାନ ‘।

ଓମକାର ଏଣ୍ଟରଟେନମେଣ୍ଟ ବ୍ୟାନରରେ ନିର୍ମିତ ଏହି ଚଳଚ୍ଚିତ୍ରକୁ ପ୍ରଯୋଜନା କରିଛନ୍ତି ରଶ୍ମିପ୍ରଭା ପାଣି ଏବଂ ନିର୍ଦ୍ଦେଶନା ଦେଇଛନ୍ତି ସୁଧାଂଶୁ ମୋହନ ସାହୁ। ଏହି ଚଳଚ୍ଚିତ୍ରର କାହାଣୀ, ଚିତ୍ରନାଟ୍ୟ ସହ ସଂଳାପ ଲେଖିଛନ୍ତି ପ୍ରିୟବ୍ରତ ପଣ୍ଡା। ଗୀତ ରଚନା ଗୁରୁ ଶତପଥୀ କରିଥିବା ବେଳେ ଗୀତଗୁଡ଼ିକର ସ୍ଵର ସଂଯୋଜନା କରିଛନ୍ତି ସୌମିତ୍ରି ପଲାଇ।

ଖାସ୍ କଥା ହେଲା ଏହି ଚଳଚ୍ଚିତ୍ରର ଟାଇଟଲ ଭୂମିକାରେ ଦର୍ଶକ ଦେଖିବାକୁ ପାଇବେ ଓଲିଉଡର ଲୋକପ୍ରିୟ ଅଭିନେତା ସିଦ୍ଧାନ୍ତ ମହାପାତ୍ରଙ୍କୁ। ସିଦ୍ଧାନ୍ତଙ୍କ ବ୍ୟତୀତ ସୋଫିଆ ଆଲାମ୍ , ଶମ୍ଭୁ ହୋତା, ସୁପ୍ରିୟା, ପ୍ରକାଶ, ପ୍ରଜ୍ଞା, ଶୁଭ୍ରାଂଶୁ ଓ ଶିଶୁ କଳାକାର ଶୁଭମ ପଣ୍ଡା, ତ୍ରିସା, ରିଷିକ ଏବଂ ଡେଜ୍ ଆଦି କଳାକାର ବିଭିନ୍ନ ଭୂମିକାରେ ଅଭିନୟ କରିଛନ୍ତି ।